Stjórn Nýherja

Benedikt Jóhannesson

Benedikt Jóhannesson hefur átt sæti í stjórn Nýherja frá 1995 og verið stjórnarformaður þess frá árinu 1996. Benedikt er framkvæmdastjóri Talnakönnunar hf. sem hann stofnaði árið 1984. Hann er jafnframt framkvæmdastjóri útgáfufélagsins Heims, sem er dótturfélag Talnakönnunar.

Benedikt er með BS í stærðfræði, hagfræði sem aukagrein, frá University of Wisconsin (1977), MS próf í tölfræði frá Florida State University (1979), og doktorsgráðu (Ph.D.) frá Florida State University, aðalgrein tölfræði og stærðfræði sem aukagrein (1981).

Benedikt kenndi við Verzlunarskóla Íslands 1982-1986, við Háskóla Íslands 1982-1988 og Háskólann á Akureyri 1991-1993. Hann hefur setið í stjórn fjölda fyrirtækja og gegnt stjórnar-formennsku í Myllunni, Eimskipafélagi Íslands, Burðarási, Skeljungi og Hans Petersen.

Guðmundur Jóh. Jónsson

Guðmundur Jóh. Jónsson tók sæti í stjórn Nýherja í febrúar 2005. Guðmundur hefur verið varamaður í stjórn Nýherja frá 1999. Hann starfaði hjá Sjóvá-Almennum tryggingum hf. 1982-2004, lengst af gegndi hann stjórnunarstörfum innan félagsins, m.a. sem fulltrúi forstjóra félagsins.

Guðmundur, sem er forstjóri tryggingafélagsins Varðar, útskrifaðist sem viðskiptafræðingur frá Seattle University á árinu 1985 og lauk MBA prófi frá Edinborgar-háskóla á árinu 2000. Hann hefur auk setu í stjórn Nýherja setið í stjórnum nokkurra annarra fyrirtækja.

Marta Kristín Lárusdóttir

Marta Kristín Lárusdóttir tók sæti í stjórn Nýherja árið 2011. Hún er lektor í tölvunarfræðideild Háskóla Reykjavíkur. Marta Kristín er Lic. Ph. (Licentiate of Philosophy) í tölvunarfræði frá Uppsalaháskóla, MS í tölvunarfræði frá Kaupmannahafnarháskóla og BS í tölvunarfræði frá HÍ.

Hildur Dungal

Hildur Dungal tók sæti í aðalstjórn Nýherja í febrúar árið 2011. Hún útskrifaðist með embættispróf í lögfræði frá Háskóla Íslands.

Hildur starfaði sem deildarstjóri lögfræði- og upplýsingadeildar tollheimtusviðs hjá Tollstjóranum í Reykjavík frá árinu 2000-2003. Hún hóf störf hjá Útlendingastofnun árið 2003 og tók við starfi forstjóra í ársbyrjun 2005. Hún gegndi því starfi fram á mitt ár 2008. Árið 2010 tók hún sæti í bæjarstjórn Kópavogs.

Guðrún Ragnarsdóttir

Guðrún Ragnarsdóttir tók sæti í stjórn Nýherja hf. í mars 2013, en hún var áður varamaður í stjórn. Guðrún er framkvæmdastjóri Lánasjóðs íslenskra námsmanna og stjórnarformaður hjá Bankasýslu ríkisins. Guðrún er viðskiptafræðingur frá Carleton University, Ottawa, Kanada og MBA frá Nyenrode University í Hollandi.